A urtean
I. Irakurgaia
Jainkoaren herriaren aita Abrahami deia.
Hasiera liburutik
Has 12, 1-4a
Egun hareetan, Jaunak esan eutson Abrami:
«Itzi zeure lurraldea, zeure senideak eta
zeure aitaren etxea
eta
zoaz Nik erakutsiko deutsudan lurraldera.
Herri
handi egingo zaitut eta bedeinkatuko,
izen
handia emongo deutsut
eta
dedeinkazino-iturri izango zara.
Bedeinkatuko
ditut zu bedeinkatzen zaituenak
eta
madarikatuko zu madarikatzen zaituenak.
Zure
bitartez bedeinkatuko ditut lurreko herri guztiak».
Halan, joan egin zan Abram, Jaunak agindu eutson lez.
Jaunak esana.
Erantzun Salmoa
Sal 33 [32], 4-5. 18-19. 20 eta 22 (R/. 22)
R/. Betor gugana, Jauna, zure maitasuna,
Zugan dogu-eta geure uste ona.
V/. Zuzena da-eta Jaunaren hitza,
fidagarria
harek egin dauan guztia.
Justizia
eta zuzenbidea dau maite,
Jaunaren
maitasunaz dago lurra beteta. R/.
V/. Jauna arduratzen da begirune deutsoenez,
haren
maitasunean itxaroten dabenez,
hareek
heriotzatik libratzeko
eta
gosetean bizirik gordetzeko. R/.
V/. Guk Jaunagan dogu esperantza,
bera
dogu laguntzaile eta babesle.
Betor
gugaz, Jauna, zure maitasuna,
Zugan
dogu-eta jarria itxaropena. R/.
II. Irakurgaia
Jainkoak dei
egiten deusku
eta argitzen
gaitu.
San Paulo Apostoluak Timoteori egindako bigarren epistolatik
2 Tm 1, 8b-10
Anaia maitea: Jainkoaren indarraz fidaturik,
eroan egizuz nekeak nigaz batera Barri Onaren alde. Harek salbatu ginduzan eta
dei egin euskun biziera santura, ez gure egiteakaitik, bere erabagiagaitik
baino, eta gizaldi guztiak baino lehen Kristo Jesusengan emon euskun
graziagaitik.
Grazia hau orain agertu da, Kristo Jesus
gure Salbatzailea munduan azaldu danean; honek heriotza ezereztu dau eta bizia
eta hilezkortasuna argitu Barri Onaren bidez.
Jaunak esana.
Ebanjelio aurreko txatala
V/. Hodei distiratsutik Aitaren ahotsa entzun zan:
Hauxe
da nire Seme maitea. Entzuiozue.
Ebanjelioa
Aurpegia eguzkia baizen distiratsu bihurtu jakon.
✠ Jesu Kristoren Ebanjelioa San Mateoren liburutik
Mt 17, 1-9
Aldi haretan, hartu ebazan Jesusek beragaz
Pedro, Santiago eta honen anaia Joan eta mendi altu batera eroan zituan aparte.
Eta antzaldatu egin zan euren aurrean: aurpegia eguzkia baizen distiratsu
bihurtu jakon eta jantziak argia baizen zuri. Horretan, Moises eta Elias agertu
jakezan, Jesusegaz berbetan.
Orduan, Pedrok esan eutson Jesusi: «Jauna,
bai ederto gagozala hemen! Gura badozu, hiru txabola egingo dodaz: bata
Zuretzat, bestea Moisesentzat eta bestea Eliasentzat».
Berbetan ziharduala, hodei argi batek
estaldu zituan, eta ahots batek esan eban hodeitik: «Hauxe da nire Seme maitea,
hauxe dot atsegin. Entzuiozue». Hori entzutean, ahuspez lurrera jausi ziran
ikasleak, bildurraren bildurrez.
Hurreratu jaken Jesus, ikutu eta esan
eutsen: «Jagi zaiteze; ez bildurrik izan». Begiak jasorik, Jesus baino ez eben
ikusi, beste inor be ez.
Menditik behera jaisterakoan, Jesusek agindu
eutsen: «Ez esan inori ikusi dozuen hau, harik eta Gizonaren Semea hilen
artetik biztu arte».
Jaunak esana.
(HOMILIA)