Errautsak bedeinkatzea eta ezartzea Mezarik gabe ere egin daiteke. Kasu honetan, lehenengo hitzaren liturgia egitea gomendatzen da, egun honetako Mezarako jarrita dagozan irakurgai berberak erabiliz.
I. Irakurgaia
Urratu egizuez bihotzak, ez soinekoak.
Joelen Profezia liburutik
Jl 2, 12-18
Hauxe
dino Jaunak:
«Bihurtu zaiteze Nigana bihotz-bihotzez,
barauz,
negarrez eta doluz.
Urratu
egizuez bihotzak, ez soinekoak;
bihurtu
zaiteze Jaunagana, zeuen Jainkoagana,
bihozbera
eta errukitsua da-eta,
hasarregatxa
eta maitasun handikoa,
bere
mehatxuez damutzen dana.
Harenbaten
atzera egin eta damutuko da,
eta
bedeinkatuko zaitue ostera,
labore-
eta isuri-oparia eskeini deiozuen
Jaunari,
zeuen Jainkoari.
Jo
turuta Sionen, antolatu baraualdia, dei egin batzarrera;
batu
herria batzar santura,
batu
zaharrak, ekarri umeak, baita bularrekoak be.
Urten
begi senarrak ezkongelatik, emazteak ezkon-ohetik.
Negar
egin begie atari eta altara bitartean
abadeek,
Jaunaren zerbitzariek.
Esan
begie: "Parkatu, Jauna, parkatu zeure herriari;
ez
itzi lotsatan zeure ondarea,
ez
dagiela menperatu atzerritarrek,
ez
dagiela esan beste herriek:
Non
dabe, bada, euren Jainkoa? "»
Bere
lurraldeagazko maiteminez bete zan Jauna
eta
parkatu eutson bere herriari.
Jaunak esana.
Erantzun Salmoa
Sal 51 [50], 3-4. 5-6b. 12-13. 14 eta 17 (R/. ik. 3a)
R/. Erruki, Jauna, pekatu egin dogu-eta.
V/. Erruki nitaz, ene Jainko, zeure maitasunaz,
kendu
nire hobena zeure neurribako errukiz.
garbitu
nagizu zeharo neure errutik,
garbitu
neure pekatutik. R/.
V/. Autortzen dot, bai, neure hobena,
begi
aurrean dot eten barik neure pekatua.
Zure
aurka, zure aurka bakarrik, egin dot pekatu,
zure
begietan oker dana egin dot. R/.
V/. Ene Jainko, sortu bihotz garbia nigan,
barritu
arnasa sendoa nire barruan.
Ez
nagizu bota zeure aurretik,
ez
kendu niri zeure arnasa santua. R/.
V/. Poztu nagizu barriro zeure salbazinoaz,
sendotu
nagizu zeure arnasa oparoaz.
Edegi,
Jauna, nire ezpanak,
eta
nire ahoak iragarriko dau zure gorespena. R/.
II. Irakurgaia
Adiskidetu
zaiteze Jainkoagaz,
oraintxe da
erruki-sasoia.
San Paulo Apostoluak Korintoarrei egindako bigarren epistolatik
2 Ko 5, 20–6, 2
Senideok:
Kristoren mandatari gara, eta gure bitartez Jainkoak berak erregutuko baleutsue
lez da. Kristoren izenean eskatzen deutsuegu: adiskidetu zaiteze Jainkoagaz.
Pekatuagaz zerikusirik izan ez eban ha, Jainkoak gugaitik pekatuagaz bat egin
eban, guk haren bitartez Jainkoaren salbazinoa lortu gengian.
Jainkoaren lankide garan ezkero, eskatzen
deutsuegu, ez dagizuela alperrik hartu haren errukia. Izan be, Jainkoak dino:
«Erruki-sasoian entzun deutsut, eta salbazino-egunean lagundu». Begira, beraz:
oraintxe da erruki-sasoia, oraintxe salbazino-eguna.
Jaunak esana.
Ebanjelio aurreko txatala
Ik. Sal 95 [94], 8a. 7d
V/. Gaur, ez gogortu bihotza;
entzun
Jaunaren ahotsa.
Egun bakotxerako jarrita
dagoan Ebanjelio aurreko txatalaren ordez, beste bat hartu daiteke.
Ebanjelio aurreko txatalaren aurretik eta ondoren, beherago
jarrita dagozan gorapenetako bat erabili daiteke.
Ebanjelioa
Ezkutuan be
ikusten dauan zeure Aitak
emongo deutsu
ordaina.
✠ Jesu Kristoren Ebanjelioa San Mateoren liburutik
Mt 6, 1-6. 16-18
Aldi haretan, Jesusek esan eutsen ikasleei:
«Begira, gero: ez egin zeuen egintza onak jentaurrean, ikusi zagiezan!
Osterantzean, ez dozue zeruetan dagoan Aitaren saririk izango.
Limosna emotean, beraz, ez ibili aurretik
turuta jotzen, itxurazaleak sinagogetan eta kaleetan ibiltzen diran lez,
jenteak txalotu dagizan. Egia esan, horreek jaso dabe euren saria. Zuk limosna
emotean, ostera, ez begi jakin zure ezkerrak zer egiten dauan eskumak; holan,
zure limosna ezkutuan geldituko da; eta ezkutuan be ikusten dauan zeure Aitak
emongo deutsu saria.
Otoitz egitean, ez egin itxurazaleen erara;
ze horreek sinagogetan eta plaza-ertzetan zutunik otoitz egitea maite dabe,
jenteak ikusi dagizan. Egia esan, horreek jaso dabe euren saria. Zu, ostera,
otoitz egitean, sartu zaitez zeure gelan, itxi atea eta egiozu otoitz ezkutuan
dagoan zeure Aitari; eta ezkutuan be ikusten dauan zeure Aitak emongo deutsu
saria.
Barau egitean, ez agertu bekokilun,
itxurazaleak lez; ze aurpegia itsusitu egiten dabe, barau egiten dabela
jenteari agertzeko. Egia esan, horreek jaso dabe euren saria. Zuk, barriz,
barau egitean, igurtzi zeure burua usain gozoz eta garbitu aurpegia, jenteak
ez, baina ezkutuan dagoan zure Aitak ikusi dagian zure baraua; eta ezkutuan be
ikusten dauan zeure Aitak emongo deutsu ordainsaria».
Jaunak esana.
IRUZKINA
«Egitekotan
ondo egizu, edo bestela ez egin» entzuten dogu sarritan, edo esan ere egin
dogu... Baina hemen Jesusek dinoskuna ez da "ez egin", "ondo
egin" baino. Hau da: egiten dozuna ez daitela izan besteek ikus zaiezan,
besteen txaloak eskuratzeko... Batez ere "ezaugarri" lirateken
agerpenez dihardu.
Ulertu
daigun: Jesusengan sinistea ez da erakustezina, edo barruan, ezkutuan, eroan
behar dogun gauzea. Horren barri emon behar dogu, erakutsi egin behar dogu.
Baina ez inoren txaloak eskuratzeko, ikusten gaituana ere Jesusengana,
ezaugarridun bizitzara, erakarteko baino.
Eta
hona hemen Garizumearen hasieran aurrean jarten jakuzan ezaugarriak. Hiru dira,
osotasuna adierazten dabela: eskupekoa (edo limosna), otoitza eta
baraua.
Gauzok
ez dira eginbeharrekoak, ezinbestean; barru egoera bat adierazteko egin
daitekezanak baino. Egin behar dirala-ta, egin daitekez; baina Jesusek beste
hauxe dinosku: egiten dogun hau Jainkoak saritzeko eran egin daigula. Zein da
era hori?
Gu
garan eta guk egiten dogun edo esan geiken edozerk dauka, ba, zelan-halango
eragina gure inguruan. Ona da hori kontuan hartzea.
Eskupekoak
(limosneak) geure patrikerea, ondasunak, ziurtasuna, "jainkotxoa", zulatzea
eskatzen deusku; bide honetan zehar besteengana heltzen gara; hareen
beharrizana geure beharrizan bihurtzen dogu; ondasunen banaketa zuzenagoa iragarri
geike...
Otoitz
egiteak, gure esku ezertxo ere ez dagoala adierazi daike; dana dagoala Jainkoaren
esku; eta haren ahalmenak bultzatzen gaitula bere ondasunen barri emotera.
Otoitzak, ba, besteengana naroa. Otoitza ez da Jainkoa neure alde jarteko
lanabesa, neu haren esanetara jarteko erea baino. Otoitzean Jainkoarekin bat egiten
danak, haren "begiez" begiratuko dau ingurura eta "ikusiko"
dauz behartsuak, eskua luzaturik, eskale; eta jarriko dau eskuotan bere
bihotza.
Barauak
neurritasunean bizi izatera garoaz; asekerian ez galtzera; beti erne egotera...
Zeozeren faltan gagozanean ez gara geure barruan itotzen; jaso egiten dogu
burua, eta itxaroten ikasten dogu. Ona litxakigu, egunotan batez ere,
asekeriatik urten eta burua jasotea, besteak ere ikusteko, otoitzaren bultzadaz
eurengana heltzeko, eurekaz gure ondasunak alkarbanatzeko.
Horrela joango ginateke Garizumako ibilbide hau Pazkoaren POZERA eta ZORIONERA bideratzen. Bilatu daigun guzti hau barneratzeko (norberetzeko) beharrezko dogun isiltasuna.
Herri otoitza (Eskariak)
† Jainkoak bihozbarritzera deitzen gaitu eta baraua, otoitza eta limosnea eskeintzen deuskuz bide lez. Zuzendu deioguzan gure eskariak:
—Eleizako artzainen alde: handikeria guztia eta apainkeriak alde batera izteko gauza izan daitezan eta Eleizearen pekatu historikoen parkamena publikoki eskatu daien, egin daigun otoitz (Agertu guri, Jauna, zure errukia).
—Herrietako agintari eta nagusien alde: euren onureari begira eta ondasunak zelan metatuko bilatu barik, sufritzen dagozanen oihuak entzun daiezan, eta herrien alkartasunaren alde lan egin daien, egin daigun otoitz.
—Gure Gizartean norgehiagoka jarduteari uko egin deiogun eta alkarrentzako laguntza eta euskarri izatea bilatu daigun, egin daigun otoitz.
—Behartsuak, alboratuak, aurrean erabiliak eta errukirik jadesten ez dabenak lehenak izan daitezan gure Eukaristi mahaietan, egin daigun otoitz.
—Barau, limosna eta otoitz egitera deituak izan garanok Jainkoaren graziazko aldi hau erantzun eskuzabalaz eskertzen jakin daigun, egin daigun otoitz.
† Jainko errukitsua: bihurtu gaizuz zeugana eta izan daiela leku gure bihotzean behartsuek. Jesukristo gure Jaunaren bitartez.
—Amen.
Hauts-egun ondorengo eguena
I. Irakurgaia
Bedeinkazinoa
eta madarikazinoa
jartzen
deutsudaz gaur aurrean.
Deuteronomioa liburutik
Dt 30, 15-20
Honan berba egin eutson Moisesek herriari:
«Begira, bizia eta zoriona, heriotza eta zorigatxa jartzen deutsudaz gaur
aurrean. Entzuten badozuz gaur nik emoten deutsudazan Jaunaren, zeure
Jainkoaren, aginduak, Jauna zeure Jainkoa maitatuz, haren bidean ibiliz eta
haren agindu, lege eta erabagiak betez, biziko zara eta ugarituko eta
bedeinkatuko zaitu Jaunak zeure Jainkoak, jaubetzan hartzera zoazen lurraldean.
Baina zure bihotza okertzen bada, entzuten
ez badozu eta jainko arrotzen aurrean ahuspeztu eta hareek gurtzeko
tentazinoari amore emoten badeutsazu, gaur iragartzen deutsut guztiz hondatuko
zarala, eta ez dozula luzaro iraungo, Jordanez beste aldean jaubetzan hartzera
zoazen lurraldean.
Zeru-lurrei deitzen deutset gaur zure aurka
testigu: bizia eta heriotza, bedeinkazinoa eta madarikazinoa jartzen deutsudaz
aurrean. Zuk eta zure ondorengoek bizi nahi badozue, aukeratu egizu bizia,
Jauna zeure Jainkoa maitatuz, haren esana entzunez eta hari lotuz. Horretan
dago zure bizia eta hortik datorkizu Jaunak zure guraso Abrahami, Isaaki eta
Jakobi zin eginez agindutako lurraldean luzaro bizitzeko ahalbidea».
Jaunak esana.
Erantzun Salmoa
Sal 1, 1-2. 3. 4 eta 6 (R/. Sal 40 [39], ik. 5a)
R/. Zorionekoa
Jaunagan itxaropidea jartzen dauana!
V/. Zorionekoa gaiztoen aholkuari jarraitzen ez
deutsana,
pekatarien
bidean ez dabilena,
lotsabakoen
batzarretan jesartzen ez dana;
zorionekoa
Jaunaren legean atsegin dauana,
haren
legea gau eta egun hausnartzen dauana. R/.
V/. Ur-ertzean landaturiko zuhaitzaren antzekoa da:
emoten
dau bere sasoian frutua,
eta
ez jako orririk igartzen;
egiten
dauan guztiak ondo deutso urteten. R/.
V/. Ez holan gaiztoak, ez holan,
haizeak
daroan lastoaren antzekoak dira.
Jaunak
zaintzen dau zintzoen bidea;
gaiztoena,
barriz, galdu egiten da. R/.
Ebanjelio aurreko txatala
Mt 4, 17
V/. Bihotz-barritu zaiteze, dino Jaunak,
hurrean
da-eta zeruetako erreinua.
Ebanjelioa
Bere bizia
Nigaitik galtzen dauanak
salbatu egingo
dau.
✠ Jesu Kristoren Ebanjelioa San Lukasen liburutik
Lk 9, 22-25
Aldi haretan, Jesusek esan eutsen ikasleei:
«Gizonaren Semeak asko sufridu beharra dauka; zaharrek, abadeburuek eta
lege-maisuek gaiztotzat hartuko dabe eta hil, baina hirugarren egunean biztu
egingo da».
Eta hauxe esan eutsen guztiei: «Nire ondoren
etorri gura dauanak uko egin beio bere buruari, hartu begi eguneroko bere
kurutzea eta jarraitu beist. Izan be, bere bizia salbatu gura dauanak galdu
egingo dau; baina bere bizia Nigaitik galtzen dauanak salbatu egingo dau». Zertarako
dau gizonak edo emakumeak mundu guztia irabaztea, bere bizia galtzen eta
hondatzen badau?»
Jaunak esana.
IRUZKINA
Jesusen bizitzea isilekoa izan da 30 urtera
arte, esango geuke. Joanek Jordan ibaian bateatzean hasten dau Jesusek ageriko
bizitzea, Joan Bateatzailea atxilotua izan ondoren. Bateo unean hartutako
erabagia gauzatzen doa; Aita/Ama Jainkoari emongo deutson erantzuna gero eta
estuagoa bihurtzen doa. Eta une honetara heldu da: «Nire ondoren etorri gura
dauanak egin beio uko bere buruari, hartu bei eguneroko bere kurutzea eta
jarraitu beist».
Jesusek egiten dauan une honetako
aukeraketeak ez dauka atzerabiderik. Erlijio buruen eta politikoen nagusikeria
eta gehiegikeriak salatzen jarraitzen badau ez dau askorik iraungo. Eta hori
argi ikusten dau: «Gizonaren Semeak asko sufridu behar dau; zaharrek,
abadeburuek eta lege-maisuek gaitzetsi egingo dabe eta hil».
Baina argi ikusten dau, baita, dana ez dala
heriotzan amaitzen; dana ez doala hautsetara; dana ez dala ezertako ere ez
izango...: «baina hirugarren egunean biztu egingo da». Argi dauka merezi
dauala Aita/Amari “baietza” emoteak. Eta hauxe nahi izango leuke bere
ikasleentzat ere. Ikasleak "jarraitzaile" bihurtu nahi ditu. Ez ditu "behartu"
nahi; deitu egin nahi ditu. Erabagia eurena, bakotxarena, izan daitela
nahi dau: «Nire ondoren etorri gura dauanak...»
Zer ete da Jesusen jarraian joatea?
Badakigu horrek zer dakarskun: heriotza ziurra. Eta badakigu baita ibilbidea ez
dana erreza izango, bakotxak bere kurutzea hartuta egin behar izango dauala,
eta norbere buruari uko eginda gainera...
Horrenbeste behar ete da bizi izateko? Zer
esan gura dau Jesusek «bere bizia salbau gura dauanak galdu egingo dau»
dinonean?; edo beste hauxe dinonean: «bere bizia Nigaitik galtzen dauanak
salbau egingo dau»?
Jesusek argi dauka Jainkoak beragan egiten
dauana egingo dauala bere jarraitzaileagan ere. Argi dauka alkarbanantzen
danean bizitzea ugaritu egiten dala, beste edozer (ondasunak, batez ere)
murriztu egiten badira ere.
Eta horixe nahi dau Jesusek bere
jarraitzailea izan daitela: bizitz-emoilea, Jainkoaren seme-alaba aske lez.
Jesusen jarraian joanez ikasiko dau hori ikasleak, bere buruari uko eginez,
bere kurutzea hartuz, bizitzea emonez, eta adoretuko da horretarako.
Baina inork ez nau behartuko hori egitera. Neure aukera izan behar dau...
Herri otoitza (Eskariak)
† Bizi emoile eta bizitz iturri dogu Jainkoa; goazen bizitz iturrira erreguka:
—Eleizearen alde: ez daiten ahalegindu beti garaile urteten, edo beste guztien gainetik bere burua ataraten, besteen zerbitzuan ezerezten baino, egin daigun otoitz.
—Besteen lepotik bizi izanez zoriontsu dirala uste dabenek esplotatuen oihuak entzun daiezan, eta hareen gose-egarriak asetzen ahalegindu daitezan, egin daigun otoitz.
—Euren bizitzan Jainkoa enbarazutzat daukenen alde: heldu daitezan Jesukristoren Jainkoa, maitalea, errukitsua, ezagutzera, eta benetan bizi izatera, egin daigun otoitz.
—Ziurtasun bila, izen onari edo diruari edo atseginkeriei oratzen deutsenek barrura begiratzen ikasi daien, eta Jainkoak baino ez deutsela barru hori beteko ulertu daien, egin daigun otoitz.
—Aukeratzeko eskubidea daukagula argi ikusten dogunok, arduratasunez erabili daigun eskubide hori, eta bizi izatea aukeratu daigun, egin daigun otoitz.
† Zure seme-alaba guztion bizi izatea nahi dozun Jainko Aita/Ama: emoiguzu argitasuna mundu honetako lilurakerietan galdu ez gaitezan, bizi izan baino. Jesukristo.
—Amen.
Hauts-egun ondorengo barikua
I. Irakurgaia
Hau da Nik maite dodan baraua.
Isaias Profetaren liburutik
Is 58, 1-9a
Honan berba egiten dau Jainko Jaunak:
«Egizu oihu eztarri betean, ez isildu;
jaso
ahotsa turutak lez,
salatu
nire herriari bere txarkeriak,
salatu
Jakoben ondorengoei euren pekatuak.
Eguna
joan eta eguna etorri, nire bila dabiltz,
nire
bideen barri jakin nahi dabe,
zuzen
jokatzen dauan
eta
bere Jainkoaren legea hausten ez dauan
herria
balira lez.
Erabagi
zuzenak eskatzen deustez
eta
Jainkoa hurrean izan nahi dabe:
“Zertako
egin barau, Zuk ez ikustekotan?, dinoe.
Zertako
zigortu geure burua, Zu ez ohartzekotan?”
Begira,
barau-egunez be negoziotan zabiltze,
eta
zeuen beharginak zapaldu egiten dozuez.
Hara,
eztabaida eta hasarre artean egiten dozue barau,
Erruki
barik ukabilkadak emonez.
Ez
egin barau orain egiten dozuen lez,
zuen
oihuak zeru-goian entzunazoz.
Holakoa
da Jaunak maite dauan baraua,
gizakiak
bere burua zigortzen dauan egunean,
hau
da, zumeak lez bere burua kulunkatu
eta
dolu-jantziz hautsetan etzutea?
Horri
esaten deutsazue baraua, Jaunak atsegin dauan eguna?
Beste
hau da Nik maite dodan baraua:
bidebako
kateak hausi eta buztarri-hedeak etetea,
zapalduak
askatu eta buztarri guztiak apurtzea,
gose
danari zeure ogitik emon
eta
aterperik bako behartsua etxean hartzea,
biluzik
dagoana jantzi
eta
zeure lagun hurkoari entzungor ez egitea.
Orduan
zure argia egunsentia lez zabalduko da
eta
zure osasuna behingoan erneko;
justizia
joango jatzu aurretik gidari
eta
Jaunaren aintza atzetik babesgarri.
Orduan
zuk dei egin, eta Jaunak erantzungo deutsu;
zuk
oihu egin, eta harek esango: "Hemen nozu! "»
Jaunak esana.
Erantzun Salmoa
Sal 51 [50], 3-4. 5-6ab. 18-19 (R/. 19b)
R/. Zuk ez dozu gitxiesten, ene Jainko,
bihotz hausia eta umildua.
V/. Erruki nitaz, ene Jainko, zeure maitasunaz,
ezereztu
nire hobena zeure neurribako errukiaz.
Garbitu
nagizu zeharo neure errutik,
garbitu
neure pekatutik. R/.
V/. Autortzen dot, bai, neure hobena,
begi
aurrean dot eten barik neure pekatua.
Zure
aurka, zure aurka bakarrik, egin dot pekatu,
zure
begietan oker dana egin dot. R/.
V/. Sakrifizioak ez dozuz atsegin;
erre-oparia
eskeiniko baneutsu, ez zeunke onartuko.
Damuz
hausiriko espiritua da
Jainkoak
nahi dauan sakrifizioa;
Zuk
ez dozu gitxiesten, ene Jainko,
bihotz
hausia eta umildua. R/.
Ebanjelio aurreko txatala
Am 5, 14
V/. Bilatu egizue ona eta ez txarra,
bizi
zaitezen,
eta
zuekin izango da Jauna.
Ebanjelioa
Etorriko jake
senar barria kenduko deutsien eguna;
orduan, bai,
egingo dabe barau.
✠ Jesu Kristoren Ebanjelioa San Mateoren liburutik
Mt 9, 14-15
Aldi haretan, Joan Bateatzailearen ikasleak
Jesusengana hurreratu eta esan eutsoen: «Zergaitik guk eta fariseuek egiten
dogu barau sarritan, eta zure ikasleek ez?»
Jesusek erantzun eutsen: «Ezteguetara
deituak egon ete leitekez triste senar barria eurakaz dan bitartean? Etorriko
jake senar barria kenduko deutsien eguna; orduan, bai, egingo dabe barau».
Jaunak esana.
IRUZKINA
Baraua, gaur egun, osagileak agindu daike: eta ontzat hartuko da. Sortaldeko kulturetan, norbere barrua ezagutzeko agintzen da: eta ontzat emoten da. Gure Eleizeak agintzen dau (hausterre egunez, bariku santuz...), eta ez da ontzat hartzen, lelokeriatzat baztertzen da hainbat lekutan.
Jesusen aldietan ere legez egoan aginduta, horretarako egun berezi batzuk zainduz. Eta badirudi Jesusen ikasleek ez dabela zaintzen baraualdi hori. Eta salatu egiten deutsoe Jesusi. Nork ulertu Jesusen erantzuna?
Bizitzan zehar badagoz ospatu beharreko egunak; eta horreetan ezin daiteke baraurik egin. Baina ezin daiteke esan egunotan baraurik egiten ez dabenek inoiz ere ez dabenik egiten. Batez ere barauaren zentzua ondo norberetua badabe.
Barauak norbere barrura sartzen laguntzen dau; tripa betea ez dala dana adierazi daike; eta ahora zer eroanik ez daukenekin bat eginazo daike, bizikera murritzago batera eroanez, eta aurreztua alkarbanatuz.
Eta guri horixe dagokigu: barauaren sena ulertzea eta norberetzea, eta bere bitartez, erreinuaren itxaropenean, behartsuei laguntzea.
Herri otoitza (Eskariak)
† Jainkoak bere Semearen poztasunean gura gaitu bere seme-alaba guztiok. Jo daigun erreguka beragana:
—Eleizearen alde: ezteguetako poztasunaz agertu daiten munduaren aurrean eta aintzat hartu daizan gizakien gozamenak eta poztasun iturri zindoak, egin daigun otoitz.
—Poztasun bideak ur usteletan bilatzen dabenek Jesusen poztasun iturriak ezagutu daiezan eta dastatu, eta euretan garbitu eta alaitu daitezan, egin daigun otoitz.
—Gitxiengo jokabideaz nahikoa daben eta beti inbirian bizi diran Eleiztarren alde: urri emonda urri batzen dala, eta maitasunaren neurria eskuzabaltasuna dala ikasi daien, egin daigun otoitz.
—Gure zekenkeriak eta norkeriak bazterreratzen dabezan behartsuen oihua entzun ahal izan daigun, eta neurritasunera eta alkarbanantzera abiatu gaitezan, egin daigun otoitz.
—Otoitzerako alkartzeko aukerea daukagunok Jainkoagazko hartu-emonetan ez gaitezan urrikerietan ibili, eskuzabalak izan gaitezan baino, egin daigun otoitz.
† Maite gaituzulako neurri barik onesten gaituzun Aita/Ama Jainko: egizu, zure seme-alabok zure maitasunaren neurria erakutsi daigula gure eskuzabaltasunean. Jesukristo.
—Amen.
Hauts-egun ondorengo zapatua
I. Irakurgaia
Gose danari
zeure ogitik emoten ba deutsazu,
zure argia
ilunpean zabalduko da.
Isaias Profetaren liburutik
Is 58, 9b-14
Hauxe
dino Jaunak:
«Buztarri guztiak, salaketak eta
txarto-esateak baztertzen badozuz,
gose
danari zeure ogitik emoten badeutsazu
eta
behartsuaren preminea asetzen,
zure
argia ilunpean zabalduko da
eta
zure ilunaldia eguerdi bihurtuko.
Jaunak
gidatuko zaitu beti,
basamortuan
be asetuko
eta
zure gorputza indarbarrituko dau;
urez
asetutako baratze izango zara, agortzen ez dan iturburu.
Antxinako
horma jausiak berreraikiko dozuz,
gizaldietako
oinarrien gainean jasoko;
"Harresi
zulatuen barritzaile" deituko deutsue,
"Etxe
hondatuen konpontzaile".
Zapatuz
zeure eginkizunak izten badozuz
eta
nire egun santuan negoziotan jarduten ez badozu,
zapatuari
zeure atsegin deitzen badeutsazu
eta
Jaunaren egun santua ohoragarritzat hartzen,
zeure
eginkizun, negozio eta arazoak baztertuz,
orduan
Ni, zure Jauna, izango nozu atsegin.
Lurraldeko
mendi-gainetan jarriko zaitut
eta
zure asaba Jakoben ondareaz janarituko».
Halan hitz egin dau Jaunak.
Jaunak esana.
Erantzun Salmoa
Sal 86 [85], 1-2. 3-4. 5-6 (R/. 11a)
R/. Erakutsi egidazu, Jauna, zeure bidea,
Zugaz leial jokatu dagidan.
V/. Makurtu belarria, Jauna, erantzun,
gizajo
eta behartsu nozu-eta.
Babestu
nire bizia, Zuri lotuta nago-eta;
Zeu
zaitut neure Jainko,
salbatu
egizu Zugan uste on dauan zerbitzari hau. R/.
V/. Erruki nitaz, Jauna,
Zuri
deika nago-eta egun osoan.
Alaitu
egizu zerbitzari honen bihotza,
Zugana
jasoa dot-eta gogoa, Jauna. R/.
V/. Ona zara, Jauna, eta parkabera,
dei
egiten deutsuenentzat errukiz betea.
Entzun
nire otoitza, Jauna,
jaramon
egin nire erregu-oihuari. R/.
Ebanjelio aurreko txatala
Ez 33, 11
V/. Nik ez dot atsegin gaiztoaren heriotza, dino
Jaunak,
jokabidez
aldatu eta bizi dadila baino.
Ebanjelioa
Ez naz zintzoei
dei egitera etorri, pekatariei baino,
bihotz-barritu
daitezan.
✠ Jesu Kristoren Ebanjelioa San Lukasen liburutik
Lk 5, 27-32
Aldi haretan, Jesusek Levi izeneko zergalari
bat ikusi eban, zergak batzeko mahaian jesarririk, eta esan eutson: «Jarraitu
Niri». Harek, dana itzirik, zutundu eta jarraitu egin eutson.
Levik bazkari handia emon eutson Jesusi bere
etxean; Jesusekin eta honen ikasleekin batera zergalari eta bestelako jente
asko egoan mahaian. Fariseuek eta hareen lege-maisuek marmarrean ziharduen eta
esan eutsien ikasleei: «Zergaitik jaten eta edaten dozue zergalari eta
pekatariakaz?»
Jesusek erantzun eutsen: «Ez dabe
osasundunek osagilea behar, gaixoek baino; ez naz zintzoei dei egitera etorri,
pekatariei baino, bihotz-barritu daitezan».
Jaunak esana.
IRUZKINA
Oraingoan Jesusek mahaian dihardu, eta pekatariez inguraturik! Zer uste izango ete dabe "legelari zintzoek"? Baina bost ardura deutso horrek Jesusi. Bere eginbeharra Jainkoaren errukia iragartea da. Eta halako pekatari batek, Jesusen deiari erantzutearren, bertan behera izten dau dana. Bizitza guztiz aldatzen dau. Eta bere poza bereekin ospatzen dau. Eta hantxe dago Jesus ere, pekatari baten bihozbarritzeak zeruetan dauan poza iragarten.
Jainkoaren errukia, parkamena eta besarkadea doakoa dala ulertu ezin dabenek ezin daikee onartu holangorik, eta euren harriduran «Zergaitik jaten eta edaten dozue zergalari eta pekatariekin?» galdetuko dabe. Ez dagoz bihozbarritzeko prest. Betekizunez eta eskeintzariez "lortu" nahi dabe Jainkoak doan emoten dauana.
Ziurtasuna emoten deustan "dana" iztea da Jainkoaren besarkadea onartu ahal izateko bide bakarra. Eta, batzutan, zein gatx egiten jakun hori; hain ziur ez daukagula ere, sarritan nahiago izaten dogu ziurtasuna emoten deuskuela uste doguzanei "lotuak" bizi izatea. Eta ukatu egiten dogu Jainkoak emon nahi deuskun askatasuna, aske bizi izatea, lotura barik agertzea...
Herri otoitza (Eskariak)
† Sarriegitan izaten da gure guraria (helburua ere bai?) ahal danik eta etekinik handiena ataratea, eta zekenak izaten gara Jainkoagaz eta hurkoagaz. Jo daigun erreguka Jainkoagana:
—Eleizearen alde: eskuzabaltasunean hezi daizan bere seme-alabak, ondasun guztietatik askatzen hasiz, egin daigun otoitz.
—Jai-egunak alkarren zerbitzurako, etxekoak, zaharrak eta gaisoak bisitatzeko eta Jainkoa horrela goresteko aprobetxatu daiguzan, egin daigun otoitz.
—Diru-gosez ase ezinik dabizanek pobreen oihua entzun daien eta harei zerbitzu egitea pozgarriagoa dala aurkitu daien, egin daigun otoitz.
—Gizarteak ondo esaten ez deutsen baztertu, gitxitu, aurrean erabili edo gaitzetsien alde: ahalbait lasterren aurkitu daien gizarte aldatua, eta baita han eurentzako leku duina ere, egin daigun otoitz.
—Otoitzean alkartzeko zoria daukagunok behartsuei begira jarri gaitezan otoitz egiterakoan, eta harei zerbitzea dala ondasunik handiena autortu daigun, egin daigun otoitz.
† Jainko errukitsua: zabaldu eiguzuz begi-belarriak eta bihotza gure inguruko errukarriengana. Jesukristo gure Jaunaren bitartez.
—Amen.